ताप्लेजुङको टोलीलाई स्वागत

टीकापुर, १७ जेठ

मेची महाकाली भ्रमणमा रहेको ताप्लेजुङ उद्योग वाणिज्य संघको टोलीको टीकापुर उद्योग वाणिज्य संघले सोमबार स्वागत गरेको छ । ताप्लेजुङका अध्यक्ष ताराना घिमिरेको नेतृत्वमा रहेको टोलीलाई टीकापुर अध्यक्ष आनन्द हमालले स्वागत गर्नुभएको थियो । स्वागत कार्यक्रममा अवसरमा दुई उद्योग वाणिज्य संघका पदाधिकारीहरुबीच परिचयात्मक कार्यक्रम समेत भएको थियो । सोही अवसरमा पदाधिकारीहरुले आ–आफ्ना जिल्लाको ब्यापार व्यवशायको अवस्थाका बारेमा समेत छलफल गरेका थिए । ताप्लेजुङका अध्यक्ष घिमिरेले अलैची प्रमुख आम्दानीको स्रोत भएको बताउनुभयो । उहाँले नेपालको कुल उत्पादनको ३५ प्रतिश अलैची ताप्लेजुङमा उत्पादन हुने गरेको जानकारी दिनुभयो ।

टीकापुरका अध्यक्ष हमालले केराखेती टीकापुरको चिनारी भएको बताउनुभयो । उहाँले देशभरका हरेक जिल्लाका बासिन्दा टीकापुरमा बस्ने गरेको जानकारी दिँदै टीकापुर विविधताको नमूना भएको बताउनुभयो । उहाँले आगामी दिनमा समेत व्यावशायीक हातेमालो गर्दै अघि बढ्नुपर्नेमा जोड दिनुभयो ।

सो अवसरमा अध्यक्षद्वयबीच मायाको चिनो आदान प्रदान समेत गरिएको थियो । कार्यक्रममा निवर्तमान अध्यक्ष नरेशकुमार खत्री, सदस्यद्वय नवराज साउँद र जगतराम चौधरीको समेत उपस्थिति रहेको थियो ।